Die Beroepsgilde vir Finansiële Praktisyns bied aan lede 'n netwerk waardeur lede met mekaar kan skakel, beste praktyke kan deel en sake kan doen.
Hulle is mense wat hulself wil ontwikkel en nie bang is om nuwe dinge te leer nie. Gildelede wil nie net hulself met kennis bemagtig nie, maar wil ook verantwoordelikheid neem vir die volgende geslag. Hierdie verantwoordelikheid word oorgedra deur kennis te deel, deur mentorskapprogramme, en die bied van internskappe en werkskepping.
As gildelid is jy deel van Solidariteit en kwalifiseer jy dus vir al die vakbondvoordele wat ons bied.
*Bepalings en voorwaardes geld
BYKOMENDE VOORDELE WAT FINANSIËLE BEROEPE BINNE DIE GILDE GENIET: 'n Netwerk van werk, waar praktisyns raad kan deel en bekom, wat 'n klankbord vir idees bied en waar professionele verhoudings gevestig en uitgebou kan word.
Afslag by S-leer, 'n geregistreerde opleidingsinstelling vir VPO-punte en persoonlike ontwikkelingsprogramme. Verskeie opleidingsprogramme brei vaardighede in verskeie spesialisgebiede in die beroep uit.
Die geleentheid om as mentor op te tree: Klik hier ► vir meer inligting.
Toegang tot studente wat internskapposisies verlang: Klik hier ►.
Netwerkgeleenthede.
'n Gratis platform om kennis te deel in die vorm van:
- Artikels
- Opleiding
- Fokusgroepe
 |
S-leer is 'n trots-Afrikaanse opleidingsinstelling waar jy jou punte vir voortgesette opleiding (VPO) kan bekom asook jou professionele en persoonlike kennis deur persoonlike ontwikkelingsprogramme kan verbreed. * Gildelede kwalifiseer vir tot en met 40%-afslag op alle programme wat deur S-leer aangebied word. Vir inligting oor S-leer se programme relevant tot ambagontwikkeling, klik hier ►. |
Die Suid-Afrikaanse Inkomstediens (SAID) het onlangs riglyne aangekondig oor die hantering van belasting met betrekking tot kriptogeld. Sommige mense glo dat kriptogeld, soos Bitcoin, net vir waaghalse is. Ander glo dit is die bateklas van die toekoms. Hoewel kriptogeld veral gebruik word as betaalmiddel, sien baie mense dit nou as 'n koop-en-hou-belegging. Kyk hier na jou opsies om kriptogeld te koop indien jy dit wil waag:
’n Snyerspakkie en ’n paar netjiese Christian Louboutin-skoene bring nie noodwendig vir jou meer geld in die sak as jou manlike eweknieë nie. PricewaterhouseCoopers (PwC), ’n netwerk van firmas in 158 lande met ’n werkerskorps van meer as 250 000 mense, stel jaarliks verslae oor tendense in die finansiële wêreld saam. Een van dié verslae in die middel van vanjaar toon dat vroue wel toenemend meer dinamiese posisies in die finansiële industrie beklee, maar dat hulle steeds aan die agterspeen suig wanneer dit by salarisse kom. James de Villiers van Business Insider SA berig in Julie dat sektore soos gesondheidsorg,
… Lees meer
Paul Martiz gesels met Wouter Snyman, uitvoerende hoof van attooh!, 'n maatskappy wat 'n verskeidenheid finansiële dienste vir 'n nismark lewer. Luister gerus na hierdie podsending as jy binnekort die werkplek gaan betree, juis omdat Wouter praat oor dié dinge wat vir hom uitstaan op 'n CV, die dinge waarna hy in 'n onderhoud kyk en watter vaardighede hy dink alle jongmense nodig het en waaraan hulle nie genoeg aandag gee nie. WerksWêreld is 'n Afrikaanse podsending oor die werkplek en is 'n “moet-luister” vir die jongmens wat op die drumpel van die werkplek staan, en vir die gesoute werknemer
… Lees meer
Solidariteit het vandag die heraanstelling van Lesetja Kganyago as goewerneur van die Suid-Afrikaanse Reserwebank verwelkom. “Die laaste paar weke is die Reserwebank een van die ANC se ideologiese slagvelde. Hierdie skuif deur president Ramaphosa versterk mnr. Kganyago se hande sodat hy in belang van alle burgers die ‘barbare by die hek’ van die Reserwebank kan afhou,” sê Connie Mulder, hoof van Solidariteit se Navorsingsinstituut. “Met ons regering wat sy finansies soos ’n peuter in ’n lekkergoedwinkel bestuur, kan Suid-Afrika net baat by die sterk en stabiele hand wat Kganyago oor die land se monetêre beleid hou. ’n Steeds feller aanslag
… Lees meer
