Kantoorpraktisyns voel soms nie na waarde geag nie, maar lewer 'n kritieke rol in die dag-tot-dag-bestuur van enige organisasie. Dit is nou die tyd vir kantoorpraktisyns om persoonlik verantwoordelikheid te neem en deel te word van 'n beroepsgemeenskap waar jy verstaan word, kennis kan deel, jou vaardighede en kennis kan uitbrei, en jouself tot volle potensiaal as spesialis binne die beroep kan vestig.
Omdat ons verstaan dat kantoorpraktisyns unieke uitdagings ervaar, onder druk werk, en oor 'n wye verskeidenheid van inligting, kennis en vaardighede moet beskik, bied hierdie Solidariteit Beroepsgilde vir Kantoorpraktisyns vir jou 'n netwerk van werk, en ons doen dit lekker in Afrikaans!
Wie kan by die Gilde aansluit?
Enige persone wat hul administratiewe kennis en vaardighede wil opskerp of verbeter.
Persone werksaam in die volgende spesialisgebiede:
- Enige administratiewe rol, ongeag jou posvlak
- Sekretaresses
- Kantoorpersoneel en -bestuur
- Ontvangsdames en skakelbordoperateurs
- Persoonlike assistente
- Klerke
- Tiksters
Hulle is mense wat hulself wil ontwikkel en nie bang is om nuwe dinge te leer nie. Gildelede wil nie net hulself met kennis bemagtig nie, maar wil ook verantwoordelikheid neem vir die volgende geslag. Hierdie verantwoordelikheid word oorgedra deur kennis te deel, deur mentorskapprogramme, en die bied van internskappe en werkskepping.
As gildelid is jy deel van Solidariteit, en kwalifiseer jy dus vir alle vakbondvoordele wat ons bied.
*Bepalings en voorwaardes geld
Bykomende voordele wat kantoorpraktisyns binne die gilde geniet:
Toegang tot 'n webblad met relevante inligting, artikels en navorsingstukke.
Afslag by S-Leer, 'n geregistreerde opleidingsinstelling vir VPO-punte en persoonlike ontwikkelingsprogramme. Verskeie opleidingsprogramme brei vaardighede uit in 'n verskeidenheid van spesialisgebiede in die beroepsveld.
Die geleentheid om as mentor op te tree: Klik hier vir meer inligting.
Toegang tot studente wat internskapposisies verlang: Klik hier.
Jaarlikse kennisfees.
Netwerkgeleenthede.
Inligting en bystand om by nuwe tegnologie en tendense aan te pas.
Toegang tot 'n werksoek-portaal.
Nuttige skakels
Gildelede kwalifiseer vir afslag op alle programme wat deur S-Leer aangebied word.
Akademia Gildelede ontvang voorkeurkeuring by Akademia.
Vir inligting oor die Gevorderde Diploma in Projekbestuur
