Die Gilde vir Lugvaart poog om kollektief as waghond vir lede op te tree, om die beroep te beskerm en om jongmense 'n kans op 'n loopbaan binne lugvaart te gee, asook om aandag aan brandpunte in die bedryf te gee.
Wie kan by die Gilde vir Lugvaart aansluit? Matrikulante
Matrikulante wat belang stel om in hierdie rigting te studeer
Besoek Solidariteit Jeug ►
Studente
Vlieëniers
Kajuitbemanning
Lugverkeerbeheerpersoneel
Tegnici
Enige ander persone werksaam in die lugvaartindustrie.
*Bepalings en voorwaardes geld
Addisionele voordele wat lede van die Gilde vir Lugvaart uitsluitlik geniet, is:
Besoek S-Leer ►
Vir meer inligting klik hier ►
Die komitee moet ook die Minister van Vervoer adviseer oor voorstelle met betrekking tot die instelling van enige regulasie; die wysiging of intrekking van enige regulasie wat uitgevaardig is; die instelling van enige tegniese standaard wat uitgereik moet word; die wysiging of intrekking van enige tegniese standaard wat uitgereik is, en enige ander aangeleentheid rakende burgerlike lugvaart.
Die Gilde is gerat om die beroep en die bedryf te beskerm.
Hy is dus in ’n uitstekende posisie om ons lede se professionele behoeftes in hierdie komitee en/of subkomitees te verteenwoordig.
Solidariteit geniet ook nou verteenwoordiging in die volgende CARCOM-subkomitees, waar ons aktief vir ons lede kan intree en beding:
Vir Industrie regulasies besoek www.caa.co.za
Deur Nico Strydom
Kenners meen die lugvaartbedryf, plaaslik en internasionaal, gaan waarskynlik heeltemal anders lyk na afloop van die Covid-19-pandemie.
Die groot vraag is tans hoe die bedryf sy bedrywighede moet hervat sodra hy die groen lig kry om dit te doen en hoe lank dit sal neem vir die bedryf om in die posisie te kom waarin dit voor die pandemie was.
Passasiersvlugte is reeds sedert begin Februarie gekanselleer en het kort daarna heeltemal tot stilstand gekom weens die Covid-19-uitbreking. Covid-19 het ook bestaande probleme in die lugvaartindustrie vererger en sekere lugrederye het reeds aangekondig dat hulle werknemers sal moet aflê.
Die internasionale lugvervoervereniging, Iata, het in samewerking met ander kundiges met twee scenario’s vorendag gekom. Die basislynscenario hang daarvan af dat die meeste plaaslike markte in die derde kwartaal weer sal begin sake doen, en dat internasionale markte baie stadiger en in fases open. In dié scenario word daar verwag dat 2019 se passasiersvlakke eers weer teen 2023 ingehaal sal kan word.
Ingevolge die pessimistiese scenario maak ekonomieë stadiger oop en neem dit langer vir reisbeperkings om verslap te word. “Groot stimuluspakkette deur regerings gekombineer met likiditeitsinspuitings deur sentrale banke sal die ekonomiese herstel versnel sodra die pandemie onder beheer is. Die heropbou van passasiersvertroue sal egter langer neem en selfs dan sal individuele en korporatiewe reisigers waarskynlik reisbesteding noukeurig bestuur en eerder nader aan die huis bly, ” sê Alexandre de Juniac, Iata se direkteur-generaal en uitvoerende hoof.
Iata is baie bekommerd oor die verdere invloed wat kwarantynmaatreëls op die lugvaartbedryf kan hê. Die organisasie het 'n beroep op regerings gedoen om alternatiewe te vind vir die handhawing of instelling van kwarantynmaatreëls vir passasiers wat in lande aankom as deel van postpandemiese reisbeperkings.
Volgens Iata het 'n meningspeiling bevind dat 86% van reisigers bekommerd is dat hulle onder kwarantyn geplaas sal word terwyl hulle reis en dat 69% van onlangse reisigers sal oorweeg om eerder nie te reis nie indien dit 'n 14-dag-kwarantyntydperk behels.
“Selfs in die beste omstandighede gaan hierdie krisis baie werkgeleenthede kos en die ekonomie beroof van jare se lugvaartgestimuleerde groei. Ten einde die lugvaartbedryf se vermoë te beskerm om 'n katalisator vir ekonomiese herstel te wees, moet ons hierdie voorspelling nie vererger deur reis met kwarantynmaatreëls onuitvoerbaar te maak nie,” het De Juniac gesê.
“Ons het 'n oplossing vir veilige reis nodig wat twee uitdagings die hoof bied. Dit moet passasiers die vertroue gee om veilig en sonder onnodige moeite te reis, en dit moet regerings die vertroue gee dat hulle beskerm word teen die invoer van die virus. Ons voorstel is verskillende lae van tydelike maatreëls sonder kwarantyn totdat daar 'n entstof, sogenaamde “immuniteitspaspoorte” of byna onmiddellike Covid-19-toetsing op groot skaal beskikbaar is.”
Iata het voorstelle gemaak vir 'n tydelike risikogebaseerde benadering om regerings die vertroue te gee om hul grense oop te stel sonder dat mense wat in die land aankom in kwarantyn geplaas word. Dit sluit in om te verhoed dat mense sifting ondergaan en dat dié wat simptome toon nie mag reis nie. Die behels ook dat die risiko’s van asimptomatiese reisigers aangespreek word en dat regerings 'n robuuste stelsel van gesondheidsverklarings en kontakopsporing bestuur.
Volgens Iata is die wedersydse erkenning van ooreengekome maatreëls van kritieke belang vir die hervatting van internasionale reis.
Hulp sal nie gou beskikbaar wees vir swaar getrefde lugvaartbedryf in SA nieDeur Cindy Venter
Die lugvaartbedryf in Suid-Afrika is een wat alreeds swaar kry – dit is al lank reeds die geval en die Covid-19-pandemie sit nou net die kersie op die koek.
Op 25 Maart 2020 het besigheidsreddingspraktisyns 'n versoek by die hooggeregshof ingedien om SA Express te likwideer. Die regering het aangedui dat hulle 'n besluit sal neem nadat hulle die aansoek verwerk het. Hulle was in die verlede gekant teen die besluit. Dit het gevolg nadat SA Express reeds in Maart 2020 nie salarisse aan hulle 691 werknemers kon betaal nie.
Kulula en British Airways het op hul sosialemediabladsye aangedui dat alle vlugte opgeskort is, maar weer op 19 April 2020 hervat sal word, terwyl FlySafair aangedui het hy sal weer vanaf 20 April 2020 vlugte hervat. Mango het gesê dat kliënte wat vlugte bespreek het tot en met 30 April 2020 tegemoet gekom sal word met veranderinge. Volgens Cathy Powell, publiekeregkenner, kan die afsonderingstydperk moontlik verleng word. Ons lugvaartsektor is reeds onder druk en die verlenging van die afsonderingstydperk sal dit amper onmoontlik maak om die lugrederye te red.
Joachim Vermooten, 'n lugvaart ekonoom, sê dat binnelandse lugrederye nie die pandemie sal oorleef indien die staat nie hulp verleen nie. Dondo Mogajane, die Nasionale Tesourie se sekretaris-generaal, het aangedui dat die lugvaartbedryf se versoek om staatshulp heel agter in die ry staan. Daar moet in hierdie stadium voorsiening gemaak word vir ons gesondheidsorgsektor en hulle sal noodsaaklike dienste prioritiseer, selfs nadat die afsonderingstydperk verby is. Data wat ingesamel is van die Air Transport Association (IATA) dui daarop dat die hersteltydperk vir lugrederye 6 tot 7 maande kan duur nadat so 'n pandemie verby is.
Internasionale vlugte in die toerismebedryf dra weekliks 13 miljoen rand by tot die Wes-Kaapse ekonomie, en David King, projekbestuurder by Air Access, is wel positief dat die sektor vinnig kan herstel en selfs sal groei nadat die krisis verby is.
Indien jy inligting verlang oor hoe om 'n aansoek doen by die werkloosheidsversekeringsfonds (WVF) in te dien, volg die skakel: https://corona.org.za/vraag-en-antwoord-rakende-covid-19/. Jy kan ook 'n e-pos stuur na covid19ters@labour.gov.za
Bronne:
https://www.iol.co.za/travel/travel-news/these-sa-airlines-have-suspended-flights-45449674
https://www.timeslive.co.za/sunday-times/business/2020-03-29-airlines-ask-for-state-aid/
Die uitwerking van Covid-19 op die vlieëniersberoepDeur Cindy Venter
Terwyl ons almal vlugte kanselleer of herskeduleer as gevolg van Covid-19, moet lugvaart-personeel ook nou plan maak om te verseker dat hulle hierdie pandemie oorleef.
Hier is net 'n paar voorbeelde van onlangse en skielike verwikkelinge in die bedryf:
Emirates het versoek dat vlieëniers en kajuitbemanning onbetaalde verlof neem. Emirates het meer as 21 000 kajuitbemanningspersoneel en het meer as 4 000 vlieëniers in diens. Emirates het 'n totale personeel van 100 000.
British Airways, wat 4 500 vlieëniers in diens het, sny vlieëniers se salarisse met 50%. Hulle verlig wel die skok deur die salarisse oor 'n tydperk van drie maande te sny.
Alhoewel Virgin Atlantic nog nie planne aangekondig het om personeel af te lê nie, het hulle personeel versoek om 8 weke onbetaalde verlof te neem en alle internasionale vlugte is gekanselleer vanaf 30 Maart tot 14 Junie 2020.
All Nippon Airways (Japan) het voorgestel dat sowat 5 000 van sy kajuitbemanning verlof neem. Dit sal betaalde verlof wees en op 'n aflosbasis tussen personeel wees. Toelae waarop bemanning 'n vlug geregtig was, sal nie meer betaal word nie.
Die SAL het intussen ook al sy internasionale vlugte tot aan die einde van Mei gestaak.
As ons net kyk na die voorbeelde hierbo genoem, is dit duidelik dat hierdie pandemie verwoestende gevolge vir lugvaartl inhou.
Wat kan jy as gewone burger doen om te help?
In plaas daarvan om jou vlugte te kanselleer, verskuif dit eerder na 'n latere datum. Die meeste lugrederye het aangekondig dat vlugte gratis geskuif kan word.
Doen solank jou beplanning vir 2021 en beplan daardie vakansie wat jy verdien.
Gebruik die tyd om die reis- en toeristebedryf te ondersteun deur navorsing te doen oor verskillende lande en reisbestemmings. Gaan in hulle wêreld in en bied ondersteuning aan waar jy kan.
Bly op hoogte van die nuutste verwikkelinge en maak seker dat jy jouself in die tyd bemagtig. Weet wat jou regte as werknemer is en moenie huiwer om vrae te vra as jy onseker is nie.
Die Burgerlugvaartowerheid het 'n kennisgewing uitgereik wat riglyne bied oor die voorkoming van Covid-19 in die lugvaartbedryf. Lees die kennisgewing hier: http://soli.online/14j
Besoek die Korona-krisissentrum by https://corona.org.za/ vir die nuutste inligting en kom gesels met ons.
Bronne:
https://www.arabnews.com/node/1643536/business-economy
https://www.ft.com/content/cb2d519a-6a24-11ea-800d-da70cff6e4d3
https://www.nippon.com/en/news/yjj2020031901325/ana-to-have-5-000-cabin-crew-take-leave.html
Privatising airports no magic solution – aviation CEO05.06.2019– Fin24
Privatising airports due to lack of funds for infrastructure development is not a “magic solution” for African governments, Alexandre de Juniac, CEO of the International Air Transport Association (Iata) said. Governments in Africa should be careful before they just “rush into” privatising airports, he told Fin24 on the sidelines of Iata’s 75th annual general meeting in Seoul, South Korea, on Monday. “We encourage governments to consider all options before they make a decision on whether to privatise an airport or not,” he said. Iata has guidelines available on how it suggests governments should proceed when considering the privatisation of airports or not.
South African Express says that it is turning itself around14.06.2019– Engineering news
South African State-owned regional airline SA Express (SAX) affirmed on Friday that it was making substantial progress in its turnaround programme. It has also been taking action against employees found to have been engaged in wrongdoing. All those employees who have been charged with offences, and found to be guilty, have been fired from the airline. In those cases in which the offences involve alleged violations of the law, the airline has opened criminal cases. It will use legal means to recoup any losses that were the result of these various offences.
