BEL ONS: 012 644 4300
Solidariteit, jou beroepsvennoot. Maatskaplike werk kan 'n ondankbare beroep wees waar jy gewoonlik die eerste een is wat gekritiseer word en die laaste een is wat erken word. Jy vermag wondere in 'n politiek-gedrewe, ekonomies uitdagende omgewing waar nie almal gehelp wíl word nie.

Solidariteit se beroepsgilde vir maatskaplike werkers verstaan jou uitdagings en het unieke voordele en opleidingsgeleenthede spesiaal vir jou ontwikkel waarmee ons jou daaglikse uitdagings meer draaglik wil maak.

Ons bied aan maatskaplike werkers 'n loopbaantuiste.

Maak jou ideale toekoms 'n werklikheid saam met Solidariteit, jou beroepsvennoot.
opleiding
Om 'n maatskaplike werker te wees is meer as om net elke dag by die werk op te daag. Dit verg passie, omgee, geduld en deursettingsvermoë. Solidariteit se Maatskaplikewerkersgilde en S-leer bied aan jou opleiding om jou vir jou beroep toe te rus en jou dagtaak te vergemaklik.

Op 30 en 31 Julie 2021 bied dr. Louise Aucamp VPO-opleiding aanlyn en in Afrikaans aan. Dit is 'n geleentheid wat nie misgeloop moet word nie. Dr. Louise Aucamp is 'n geakkrediteerde maatskaplike werker wat meer as 22 jaar se ondervinding daarin het om met getraumatiseerde kinders en families te werk. Dr. Aucamp het in sowel die formele welsynsektor as in privaat praktyk gewerk.

Registreer vir 30 Julie 2021, klik hier ►

Registreer vir 31 Julie 2021, klik hier ►
VOORDELE VIR MAATSKAPLIKE WERKERS Solidariteit Beroepsgilde vir Maatskaplike Werkers erken dat maatskaplike werkers passievol is oor hul beroep. Hulle wil 'n verskil in mense se lewens maak. Vir maatskaplike werkers is erkenning min, terwyl daar baie emosionele trauma, maar dit is 'n roeping, en die vlam van jou roeping kan nie geblus word nie.

As gildelid is jy deel van Solidariteit, en kwalifiseer jy dus vir alle vakbondvoordele wat ons bied.
’n Lys van voordele is hier beskikbaar ►

BYKOMENDE VOORDELE WAT MAATSKAPLIKE WERKERS BINNE DIE GILDE GENIET:
  • Solidariteit tree as waghond vir jou beroep op.
  • Jy het toegang tot Solidariteit Finansiële Dienste, ons vennoot vir alle finansiële navrae en dienste, wat die volgende insluit maar nie daartoe beperk is nie:
    • Inkomstebeskerming
    • Hulp met die opstel van begrotings
    • Spaarplanne en beleggings
    • Mediesefonds-opsies
    • Aftreebeplanning
    • Versekering en vele meer
  • Bedryfspesifieke nuus
  • Kwaliteit-netwerkgeleenthede waar bedryfspesifieke oplossings saamgestel word
  • Geleentheid om as mentor op te tree
  • Afslag by S-leer, 'n geregistreerde opleidingsinstelling vir alle VPO- en persoonlike ontwikkelingsprogramme in Afrikaans.
IN DIE NUUS
KYK VIDEO: Maatskaplike werkers, ‘die engele in donker tye’

Deur Mia Slabbert Wanneer omstandighede daartoe lei dat dit voel asof die lewe sy rug na weerlose individue draai, is dit maatskaplike werkers wat met oop arms staan om die gebroke legkaarte weer bymekaar te voeg. Só meen Izanda Ferreira, maatskaplike werker by die President Kruger Kinderhuis in Pretoria. Ferreira werk al die afgelope 24 jaar as maatskaplike werker en meen namate die nood in Suid-Afrika groter word, word die behoefte aan toegewyde maatskaplike werkers ook groter. “Hierdie beroep het soveel verskillende dele en verantwoordelikhede en moet werklik as 'n roeping gesien word. Ek voel asof die beroep my gekies
… Lees meer

Maatskaplike werkers: Die skild vir weerloses

Deur Mia Slabbert Hulle het een van die moeilikste beroepe denkbaar. Tog doen maatskaplike werkers hul daaglikse werk sonder enige fisiese persoonlike beskerming of agenda. Maatskaplike werkers in Suid-Afrika word daagliks oorlaai met sake en klagtes van gesinsgeweld en verwaarlosing van kwesbare individue. 'n Eenvoudige dankie is soms die laaste ding wat hulle op 'n normale dag by die werk hoor. Volgens Colleen Strauss, 'n maatskaplike werker en die uitvoerende hoof van die Sinoville-krisissentrum in Pretoria, is die kernkaraktereienskap van 'n maatskaplike werker 'n geloof in verandering ten goede en die vermoë om altyd die potensiaal in elke situasie te
… Lees meer

Solidariteit plaas fokus op maatskaplike werkers

Solidariteit het vandag aangekondig dat hy ’n unieke netwerk van werk vir maatskaplike werkers gestig het. Die Solidariteit Beroepsgilde vir Maatskaplike Werkers gaan hom daarop toespits om as waghond vir die beroep op te tree en te verseker dat die profiel van maatskaplike werkers gelig word. Volgens Marisa Engelbrecht, afdelingshoof van Innovasie by Solidariteit getuig die departement van maatskaplike ontwikkeling in KwaZulu-Natal se oorhaastige verplasing van kinders die afgelope week en die blote feit dat die Natalse Hooggeregshof in die guns van die Christelik Maatskaplike Dienste (CSS) beslis het, van die departement se disfunksionaliteit om protokol te volg. “Dit was
… Lees meer

SASSA ─ hoe weet jy of jy kwalifiseer?

Deur Emsie Martin Daar is soms baie onduidelikheid oor wanneer jy kwalifiseer vir 'n SASSA-toelae. 'n Toelae vir ouer persone word betaal aan persone wat 60 jaar of ouer is. Hierdie toelae is in die verlede 'n ouderdomspensioen genoem. Volgens die Suid-Afrikaanse departement van maatskaplike ontwikkeling moet jy aan die volgende vereistes voldoen om te kwalifiseer: Jy moet 'n Suid-Afrikaanse burger of permanente inwoner wees. Jy moet in Suid-Afrika woon. Jy mag geen ander maatskaplike toelae vir jouself ontvang nie. Jy mag nie in 'n staatsinstansie versorg word nie. Jy mag nie meer as R78 120 per jaar verdien of
… Lees meer

Wenke om stres te verlig

Deur Emsie Martin Ons almal, al probeer ons dit soms ontken, beleef die een of ander mate van stres, maar wanneer spanning kop uitsteek, is dit belangrik om dit raak te sien en te hanteer. Die Suid-Afrikaanse Depressie en Angstigheidsgroep (SADAG) gee die volgende wenke om stres te help verlig: Oefen Raak ontslae van die druk wanneer jy senuweeagtig, kwaad of ontsteld is, met oefening soos hardloop, stap, tennis of tuinwerk. Wanneer jy oefen, raak jy ontslae van daardie “opgewende” gevoel en dit laat jou ontspan. Deel jou stres Dit help om met iemand oor jou bekommernisse te praat. Dalk
… Lees meer

Die proses waarvan elke potensiële aanneem-ouer in Suid-Afrika moet kennis dra

Deur Anja van den Berg Baie paartjies verlang na 'n baba van hul eie maar word gekonfronteer met omstandighede of voortplantingskwessies. Gelukkig kan aanneming baie deur oopmaak vir mense wat hulle liefdevolle wonings met 'n pienkvoet wil deel. Die aannemingspad is dalk nie maklik nie, maar is die moeite werd. Hier is wat voornemende aanneem-ouers in Suid-Afrika moet weet: Julle sal 'n maatskaplike werker benodig Aannemings kan slegs deur 'n geakkrediteerde maatskaplike werker wat aannemings hanteer, geprosesseer word en alle voornemende aanneem-ouers moet gekeur word voordat hulle kan aanneem. Volgens Robyn Wolfson Vorster, 'n aannemingsadvokaat, is die keuse van die
… Lees meer

Kinderwet se wysiging: kommentaar teen staatsbeheer van aannemings

Solidariteit se Maatskaplikewerkersgilde het sy kommentaar teen die voorgestelde wysigings aan die Kinderwet ingedien. Volgens die gilde dui die wysigings op ’n sterk skuif na meer mag aan die staat en minder aan privaat maatskaplike en ondersteuningstrukture, wat katastrofiese gevolge kan inhou, veral ten opsigte van die wegdoen met aannemingsfooie.

Lees Meer >

BLITSVERSLAG | Wysigingswetsontwerp, 2019: Kinderwet, No. 38 van 2005: Artikel 249

Die voorgestelde wysigings aan die Kinderwet, No. 38 van 2005 (voortaan die “Kinderwet”), het wyd opspraak gewek. Kundiges is dit eens dat hierdie wysigings nie hoër getalle aannemings tot gevolg sal hê nie, maar eerder 'n drastiese afname in die getal aannemings sal beteken. In hierdie verslag word die voorgestelde wysigings aan die Kinderwet, met spesifieke verwysing na die fooieklouse, breedvoerig bespreek en in konteks geplaas met Suid-Afrika se huidige kinderbeskermingslandskap.

Lees Meer >

Staat wil wetgewing oor aannemings verander

As aanneming nie effektief hanteer word nie, gaan dit die kinderbeskermingskrisis waarin Suid-Afrika tans verkeer, net vererger. Die departement van maatskaplike ontwikkeling wil wysigings aan aannemingswetgewing deurvoer sonder dat 'n deursigtige openbare insetproses gevolg word.

Lees Meer >

Kontak Ons | Maatskaplike werkers
SKAKEL ONS: | CALL US:
Dienssentrum:
0861 25 24 23
SMS die woord SOCIAL na 34802 (R1/sms) en ons skakel jou.
MENTORSKAP

Solidariteit se mentorskapblad is hier as hulpmiddel vir jou. Mentorskappe is daar om leiding en advies te bied en Solidariteit glo vas in die waarde van leiding wat sy mense vir mekaar kan bied. Hier by Solidariteit poog ons om gedurig voor die golf van ontwikkeling te wees en daarom het ons hierdie blad gestig. Indien jy ’n leerling is en graag deur ’n mentor gelei wil word kan jy hier met verskeie mentors in jou spesifieke beroepsrigting in kontak kom. Jy kan egter ook as mentor optree vir ander in jou beroep. Besoek gerus die mentorskapblad en begin jou reis as mentor of leerling. Klik hier.

BEROEPGILDES-NUUS
6 September 2021
Deur Nico Strydom 'n Krisisingryping kan gedefinieer word as 'n onmiddellike en korttermynnoodreaksie op geestelike, emosionele, fisiese en gedragsnood. 'n Krisis verskil dikwels van 'n...

Lees meer >

30 Augustus 2021
Deur Melodie Veldhuizen Die ideaal is dat elke kind in 'n gelukkige, gesonde en veilige gesinsverband grootword. Ongelukkig gebeur dit soms dat die huislike situasie...

Lees meer >

16 Augustus 2021
Deur Reon Janse van Rensburg Die Suid-Afrikaanse Agentskap vir Maatskaplike Sekerheid (Sassa) het bevestig dat meer as 3,5 miljoen mense reeds in die eerste week...

Lees meer >

10 Augustus 2021
Deur Melodie Veldhuizen Elize Sauer gesels oor die pligte, verantwoordelikhede, vreugdes en uitdagings van die maatskaplike werkers by die kinderhuis. Wat behels die daaglikse pligte...

Lees meer >