Die Solidariteit Beroepsgilde vir Sport verstaan hierdie passie, tyd en werk wat in jou beroep as professionele sportpersoon ingaan. Daarom bied hierdie gilde vir jou ’n gemeenskap, waarin kwessies namens jou aangespreek word. Dit is ’n kollektiewe stem wat die kwaliteit, integriteit en volhoubaarheid van jou sportberoep bevraagteken, aanspreek en verbeter.
Die Solidariteit Beroepsgilde vir Sport is vir enigeen wat ’n beroep in sport volg, as afrigter, eienaar van ’n gimnasium, biokinetikus, professionele sportster of net iemand wat ’n liefde vir sport het.
Hierdie gilde dien as beroepsgemeenskap sodat jy nie alleen staan nie en sodat jy jou beroep ten volle kan beoefen terwyl ons jou belange beskerm.
Gildelede wil hulself ontwikkel en is nie bang om nuwe dinge te leer nie. Hulle wil nie net hulself met kennis bemagtig nie, maar hulle wil ook verantwoordelikheid neem vir die volgende geslag. Hierdie verantwoordelikheid word oorgedra deur die deel van kennis, mentorskapprogramme, die bied van internskappe en werkskepping.
As gildelid is jy deel van Solidariteit en kwalifiseer jy dus vir alle vakbondvoordele wat ons bied.
BYKOMENDE VOORDELE
- Afslag by S-leer, 'n geregistreerde opleidingsinstelling, vir VPO-punte en persoonlike ontwikkelingsprogramme. Verskeie opleidingsprogramme brei vaardighede in verskeie spesialisgebiede in die beroep uit.
- Die geleentheid om as mentor op te tree: Klik hier vir meer inligting.
- Netwerkgeleenthede
Rooikaart vir die sportwet
In Desember 2019 het die regering ’n nuwe wetsontwerp voorgestel wat alle Suid-Afrikaanse sport nasionaliseer. Dit beteken dat die regering betrokke sal wees by spankeuses en dat sportbeheerliggame hulle magte sal verloor.